కోదాడలో ఆర్టీసీ కార్మికుల ర్యాలీ.. ఉద్రిక్తత

కోదాడలో ఆర్టీసీ కార్మికుల ర్యాలీ ఉద్రిక్తతకు దారితీసింది. మంత్రి పర్యటన ఉండడంతో పోలీసులు ర్యాలీకి అనుమతించలేదు. ఈక్రమంలో వాగ్వాదం చోటుచేసుకుంది.

సూర్యాపేట జిల్లా కోదాడ ఆర్టీసీ డిపో కార్మికులు చేపట్టిన ర్యాలీలో స్వల్ప ఉద్రిక్తత చోటుచేసుకుంది. మంత్రి జగదీశ్​రెడ్డి పర్యటన ఉండటం వల్ల ర్యాలీకి అనుమతి లేదని పోలీసులు అడ్డుకున్నారు. మంత్రి వెళ్లిన తర్వాత ర్యాలీ నిర్వహించాలని పోలీసులు కోరారు. కార్మికులు ససేమిరా అనడంతో ఘర్షణ వాతావరణం నెలకొంది. ఈ ర్యాలీకి గిరిజన నాయకులు, ఉద్యోగ, ఉపాధ్యాయ సంఘాలు మద్దతు తెలిపాయి.

ఇదీ చూడండి: 'అభివృద్ధిలో తెలంగాణ దేశానికే ఆదర్శం'