హుజూర్ నగర్ పట్టణంలో రైస్ మిల్ యజమానులు ధాన్యం కొనుగోలు చేయకుండా రైతుల్ని ఇబ్బందులకు గురిచేస్తున్నారని రైతులు ఆరోపించారు. మఠంపల్లి మండలం బక్కమంతుల గ్రామానికి చెందిన రైతులు సుమారు 200 ఎకరాలలో 1010 క్రాసింగ్ చేసిన జగిత్యాల సీడ్స్తో పంట పండించారు. ఈ సీడ్స్ ఎకరానికి 50 నుంచి 60 బస్తాలు పండుతాయని అధికారులు చెప్పటంతో రైతులు ఈ పంట పండించేందుకు మక్కువ చూపారు.ఐకేపీ సెంటర్లు ఈ సీడ్స్ని ఏ గ్రేడ్ రకం కింద సెలెక్షన్ చేశాయి. ఈ ధాన్యంలో తాలుగాని నిమ్ముగాని లేవని రైతులు తెలిపారు. వానాకాలంలో పండించిన పంటలో రైతులకు నష్టం వాటిల్లిందని తెలిపారు.ఈ సారి పంట దిగుబడి వచ్చిన మిల్లర్లు ధాన్యం కొనుగోలు చేయకుండా ఏ రకం ధాన్యం ను బి రకం కింద తీసుకున్నారు. దీంతో రైతులకు బస్తాకు 20 రూపాయల వరకు నష్టం వాటిల్లిందని రైతులు ఆరోపిస్తున్నారు. దీనికి తోడు ధాన్యం కొనుగోలు చేయనందున అధిక కిరాయి భారం పడుతుందన్నారు.
ఇదీ చదవండి: ప్రజారోగ్యానికి పెను సవాలు
