సూర్యాపేట జిల్లా హుజూర్నగర్ మున్సిపాలిటీలోని జీవీపీ ఫంక్షన్ హాల్లో గురువారం కౌన్సిల్ సమావేశం నిర్వహించారు. ఇందులో 105 తీర్మానాలకు గానూ 102 తీర్మానాలకు ఆమోదం లభించినట్లు మున్సిపల్ ఛైర్మన్ గెల్లి అర్చన తెలిపారు.
రూ. 6 కోట్లతో మున్సిపాలిటీలోని 28 వార్డుల్లో పలు అభివృద్ధి పనులు చేపట్టనున్నట్టు పేర్కొన్నారు. ఈ పనులను రూ. 3 కోట్ల 20 లక్షలు మినరల్ ఫండ్, కోటి 28 లక్షలు ఎస్సీ నిధుల నుంచి, రూ.50 లక్షలు జనరల్ ఫండ్ మరియు ఇతర నిధులతో చేపట్టనున్నామని వివరించారు. ఈ నిధులతో మున్సిపాలిటీలోని రోడ్లు, డ్రైనేజీలు, హరితహారం, పబ్లిక్ టాయిలెట్స్, స్ట్రీట్ వెండర్స్ స్థలాన్ని కేటాయించడానికి వినియోగించనున్నట్టు తెలిపారు. కార్యక్రమంలో మున్సిపల్ కమిషనర్ నాగిరెడ్డి, వైస్ ఛైర్మన్ నాగేశ్వరరావు పాల్గొన్నారు.
