సూర్యాపేట జిల్లా దురాజ్‌పల్లి నుంచి రూ.1.60 లక్షల విలువ గల 15 క్వింటాళ్ల బాయిలర్‌ కోళ్లతో మహబూబాబాద్‌ జిల్లా కేంద్రానికి శనివారం అర్ధరాత్రి వాహనం బయల్దేరింది. నశీంపేట శివారు చివ్వెంల - ముకుందాపురం రహదారిపై లోలెవల్‌ కల్వర్టుపై అదుపు తప్పి బోల్తా పడింది. ఈ ప్రమాదంలో వాహన క్యాబిన్‌లో డ్రైవర్, మరోవ్యక్తి సురక్షితంగా బయటపడ్డారు. ఆదివారం ఉదయం క్రేన్‌ సహాయంతో కోళ్ల వాహనాన్ని బయటకు తీశారు. అందులోని కొన్ని కోళ్లు మృత్యువాతపడ్డాయి.
నశీంపేట గ్రామస్థులు తమకు దొరికినకాడికి కోళ్లను ఎత్తుకెళ్లడానికి పోటీపడ్డారు. సూర్యాపేట గ్రామీణ సీఐ విఠల్‌రెడ్డి, ఎస్సై బాలునాయక్‌ ఘటనా స్థలాన్ని పరిశీలించారు. లోలెవల్‌ కల్వర్టు స్థానంలో బ్రిడ్జి నిర్మించాలని వాహనదారులు డిమాండ్‌ చేస్తున్నారు.
ఇదీ చూడండి: అప్రమత్తంగా ఉండాలి.. పోలీసులకు డీజీపీ ఆదేశం
