సిద్దిపేట జిల్లా దుబ్బాక ఉప ఎన్నికలో భాజపా అభ్యర్థిగా ఎం.రఘునందన్ రావును అధిష్ఠానం ప్రకటించింది. ఎన్నికల షెడ్యూల్ వెలువడక ముందు నుంచే రఘునందన్ రావు ప్రచారంలో దూసుకెళ్తున్నారు. శనివారం దుబ్బాక ఉప ఎన్నికపై సన్నాహక సమావేశం నిర్వహించారు. ఈ సమావేశంలో రఘునందన్ రావు పేరు దాదాపు ఖరారైంది. మంగళవారం జాతీయ నాయకత్వం అధికారికంగా ప్రకటించింది.
అభ్యర్థిని అధికారికంగా ప్రకటించక ముందే ప్రచారంలో దూసుకెళ్లిన కమలనాథులు ఇప్పుడు మరింత హోరెత్తించనున్నారు. తెరాస అభ్యర్థిగా సోలిపేట సుజాత పోటీ చేస్తుండగా.. కాంగ్రెస్ పార్టీ వారు ఇంక అభ్యర్థిని ప్రకటించలేదు.
ఇదీ చదవండి: 'ఏపీ ప్రాజెక్టులు ఆపకపోతే.. అలంపూర్-పెద్దమారూర్ వద్ద ఆనకట్ట నిర్మిస్తాం'
