సిద్దిపేట జిల్లా దుబ్బాక తహసీల్దార్ కార్యాలయంలో నామినేషన్ ప్రక్రియ ప్రారంభమైంది. ఇందుకోసం ఏర్పాట్లన్నీ పకడ్బందీగా చేశామని.. నామినేషన్ దాఖలు చేసిన అభ్యర్థులకు ఎలాంటి ఇబ్బంది కలగకుండా జాగ్రత్తలు చేపట్టామని సీపీ జోయల్ డేవిస్ తెలిపారు. ఎలక్షన్ కమిషన్ ఆదేశాల మేరకు అభ్యర్థితో పాటు ఇద్దరినీ మాత్రమే లోపలికి పంపిస్తున్నామన్నారు.
నామపత్రాలు దాఖలు చేయడానికి వచ్చిన అభ్యర్థులకు నామినేషన్ వేసే ప్రాంతంలో భద్రతను పరిశీలించినట్లు సీపీ తెలిపారు. అక్కడ 200 మీ. నుంచి ఇద్దరు ఏసీపీలతో పాటు ఇన్స్పెక్టర్, ఎస్సైతో పాటు సిబ్బందిని ఏర్పాటు చేసినట్లు వివరించారు. ఇప్పటికే రాజకీయ పార్టీలకు సమాచారం అందించామని.. ఎలాంటి ఇబ్బంది రాకుండా చర్యలు చేపట్టామని కమిషనర్ చెప్పారు.
ఇదీ చదవండిః 'దుబ్బాక ఎన్నిక నాలుగు కోట్ల మంది భవిష్యత్కు సంబంధించినది'
