సిద్దిపేట జిల్లా హుస్నాబాద్ మండలంలోని పందిళ్ల గ్రామంలో కల్లం, రైతు వేదిక భవన నిర్మాణ పనులకు స్థానిక శాసన సభ్యులు సతీష్ కుమార్ శంకుస్థాపన చేశారు. అనంతరం అక్కన్నపేట మండలం జనగాంలో సైతం రైతు వేదిక భవన నిర్మాణ పనులను ప్రారంభించారు.
రైతు బాగుండాలనే సంకల్పంతో ముఖ్యమంత్రి కేసీఆర్ రూ.22 లక్షల వ్యయంతో రైతు వేదికల నిర్మాణానికి తెర తీశారని, రైతు సమస్యల మీద నిత్యం చర్చ జరిగి.. రైతాంగం సమస్యల్లో ఉండకుండా చేసేందుకే ఆయన ఈ ఆలోచన చేశారని ఎమ్మెల్యే అన్నారు. ప్రతీ ఐదువేల ఎకరాలకు ఒక రైతు వేదిక ఏర్పాటు చేస్తున్నామని, ఒక్కో రైతు వేదికకు ఒక్కో ప్రత్యేక అధికారిని నియమించనున్నట్టు తెలిపారు. రైతులకు తగు సూచనలు చేస్తూ.. ప్రభుత్వం అందించే పథకాలు ఈ వేదిక ద్వారా రైతులకు చేరుతాయన్నారు.
ఇవీ చూడండి: మహబూబాబాద్ జిల్లా చీకటాయపాలెంలో రోడ్డు ప్రమాదం
