చేర్యాల బంద్​లో స్వల్ప ఉద్రిక్తతలు.. నాయకులు స్టేషన్​కు తరలింపు

సిద్దిపేట జిల్లా చేర్యాలలో అఖిల పక్షం ఇచ్చిన బంద్​ పిలుపు స్వల్ప ఉద్రిక్తతలకు దారితీసింది. స్థానిక ఎమ్మెల్యే.. అక్రమ నిర్మాణాలు చేపడుతున్నారన్న ఆరోపణలతో నాయకులు బంద్​కు పిలుపునిచ్చారు. ఈ క్రమంలో ప్రహరీ గోడను కూల్చివేశారు.

సిద్దిపేట జిల్లా చేర్యాలలో అఖిల పక్షం ఇచ్చిన బంద్​ పిలుపు స్వల్ప ఉద్రిక్తతలకు దారితీసింది. పట్టణ పరిధిలోని పెద్ద చెరువు అలుగు వద్ద స్థానిక ఎమ్మెల్యే యాదగిరి రెడ్డి నిర్మాణాలు చేపడుతున్నారన్న ఆరోపణలతో అఖిలపక్షం నేడు బంద్​కు పిలుపునిచ్చింది.

ర్యాలీగా వెళ్లిన నాయకులు.. అలుగు వద్ద నిర్మించిన ప్రహరీ గోడను కూల్చి వేశారు. దీన్ని పోలుసులు అడ్డుకున్నారు. ఈ క్రమంలో నాయకులకు, పోలీసులకు మధ్య తోపులాట జరిగింది. అనంతరం నిరసనకారులను పోలీసులు స్టేషన్​కు తరలించారు.

ఇదీ చదవండి: పోలవరం వద్ద మరో ఎత్తిపోతల పథకానికి ప్రతిపాదన