దుబ్బాకను ముద్దాడిన గోదావరి జలాలు

సిద్దిపేట జిల్లా మల్లన్నసాగర్​ ప్రాజెక్టు పంపుహౌస్ నుంచి మంగళవారం సాయంత్రం వదిలిన గోదావరి జలాలు దుబ్బాక నియోజకవర్గంలో పారుతుండగా పట్టణ ప్రజలు గోదారమ్మ పరవళ్లు చూసి ఆనందం వ్యక్తం చేస్తున్నారు.

సిద్దిపేట జిల్లా తొగుట మండలం తుక్కాపూర్​ గ్రామంలో మల్లన్నసాగర్ ప్రాజెక్ట్ పంపు హౌస్​ నుంచి మంగళవారం సాయంత్రం మొదటి పంపు ద్వారా గోదావరి జలాలను బయటకు వదిలారు. ఈ అప్రోచ్ కెనాల్ ద్వారా అక్కారం పంపు హౌస్​కు అక్కడి నుంచి కొండపోచమ్మ రిజర్వాయర్​కు చేరుకున్నాయి.

దుబ్బాక నియోజకవర్గంలో మల్లన్నసాగర్​ ప్రాజెక్టు ఉన్నందున పట్టణ ప్రజలు గోదావరి జలాలను చూసి ఆనందంతో ఉబ్బితబ్బిబ్బైయ్యారు. ఈ కార్యక్రమంలో తెలంగాణ లిఫ్ట్ ఇరిగేషన్​ అడ్వైజర్, కాళేశ్వరం ఈఎన్సీ, మెగా కంపెనీ డైరెక్టర్, ఇంజినీర్ల బృందం తదితరులు పాల్గొన్నారు.

ఇదీ చూడండి: కరోనాను అడ్డుపెట్టుకొని 9వేల సైబర్​ దాడులు