సిద్దిపేట జిల్లా హుస్నాబాద్లోని మోడల్ స్కూల్లో నిర్వహించిన మాక్ పోలింగ్ అందరినీ ఆకట్టుకుంది. పాఠశాలలో బాలుర తరుపున ఒకరిని బాలికల తరఫున ఒకరిని నాయకులుగా ఎన్నుకునేందుకు ఈ ఎన్నికలు నిర్వహించారు. మొత్తం 19 మంది విద్యార్థులు ఎన్నికల్లో పోటీ చేశారు. పోటీలో ఉన్న అభ్యర్థులకు గుర్తులు కేటాయించారు. ఈ గుర్తులతో బ్యాలెట్ పేపర్లను ముద్రించారు. సోమవారం ఉదయం నుంచి రహస్య ఓటింగ్ పద్ధతిలో ఉపాధ్యాయుల ప్రోత్సాహంతో విద్యార్థులే ఎన్నికలు నిర్వహించారు. మొత్తం 700 మందికి గాను 602 మంది విద్యార్థులు ఓటింగ్లో పాల్గొని ఓటు వేసేందుకు ఉత్సాహం చూపారు. ఉపాధ్యాయులు విద్యార్థుల సమక్షంలో ఓట్లను లెక్కించి విజేతలను ప్రకటించారు. ఎన్నికలపై అవగాహన ఏర్పడిందని విద్యార్థులు హర్షం వ్యక్తం చేశారు. ఎన్నికలపై విద్యార్థులకు అవగాహన కల్పించేందుకే తాము ఈ కార్యక్రమాన్ని నిర్వహించామని ప్రిన్సిపాల్ శ్రీదేవి తెలిపారు.
ఇదీ చూడండి: మంత్రి మాట్లాడినా... పట్టించుకోని కేంద్రం...
