ఈనెల 13న సిద్దిపేట జిల్లాలో విద్యుత్ తీగలు తెగిపడి అక్కన్నపేటకు చెందిన సమ్మయ్య రెండు ఆవులు మృత్యువాతపడ్డాయి. చనిపోయిన ఆవుల వద్ద సమయ్య కన్నీటిపర్యంతం అయ్యాడు. ఈ వీడియో కాస్త సామాజిక మాధ్యమాల్లో వైరల్ అయింది. ఈ వీడియోను చూసిన చిత్తూరు జిల్లాకు చెందిన ఓ ఎన్నారై ప్రభాకర్రెడ్డిని కదిలించింది. రైతుల దుస్థితి తెలుసుకున్న ప్రభాకర్రెడ్డి మిత్రుల ద్వారా పూర్తి వివరాలు తెలుసుకున్నాడు. రైతు సమయ్యకు సాయం చేయాలని నిర్ణయించుకున్నాడు. తన స్నేహితుల ద్వారా హుస్నాబాద్ మార్కెట్లో రూ.80 వేలతో రెండు ఆవులకు కొని సమయ్యకు పంపించాడు. ఆవులను ఇంటి ఆవరణలో చూసిన సమయ్య ఆనందానికి అవధులు లేకుండా పోయాయి. ఎన్నారై ప్రభాకర్కు రైతు సమ్మయ్య కృతజ్ఞతలు తెలిపాడు.
తాను కూడా రైతు కుటుంబం నుంచే వచ్చానని.. ఆ కష్టనష్టాలు తెలుసని ఎన్నారై ప్రభాకర్రెడ్డి తెలిపారు. రైతుకు సాయం చేయడం చాలా సంతృప్తి ఇచ్చిందని తెలిపారు.
ఇవీ చూడండి: నా పిల్లి పోయింది... వెతికిపెట్టండి
