సంగారెడ్డి జిల్లా కంగ్టి మండలంలోని గ్రామీణ ప్రాంత నిరుపేదలకు ‘టీఎస్ యూటీఎఫ్ ఆధ్వర్యంలో నిత్యావసర సరుకులు, కూరగాయలను పంపిణీ చేశారు. కంగ్టి, దామరగిద్ద, గాజులపాడు, సిద్ధంగిర్గా, రాజారామ్ తండాలలో 80 మంది నిరుపేద కూలీలకు బియ్యం, పప్పు, నూనె, కూరగాయలను అందజేశారు.
లాక్డౌన్ ప్రారంభమైన రోజు నుంచి టీఎస్ యూటీఎఫ్ ప్రతి రోజు ఎదో ఒక చోట నిత్యావసర సరుకులు అందజేస్తూనే ఉందని టీఎస్ యూటీఎఫ్ జిల్లా నాయకులు కాశీనాథ్ తెలిపారు. ఇప్పటి వరకు మొత్తం 600 కుటుంబాలకు బియ్యం, కూరగాయలను అందజేసినట్లు వివరించారు. ఈ కార్యక్రమంలో కంగ్టి మండల పరిషత్ అధ్యక్షులు సంగీత వెంకటరెడ్డి, జడ్పీటీసీ లలితా ఆంజనేయులు, కంగ్టీ సర్పంచ్ పూజా కృష్ణ, దామరగిద్ద సర్పంచ్ శంకర్, గాజులపాడ్ సర్పంచ్ ఇట్టుబాయి, సిద్ధంగిర్గా సర్పంచ్ రమేష్, తదితరులు పాల్గొన్నారు.
ఇవీ చూడండి: కాలిబాటపై మృతదేహం... తండ్రి కోసం పిల్లల ఆరాటం
