సంగారెడ్డి జిల్లా అమీన్పూర్ మున్సిపాలిటీలోని సాయికృపా కాలనీలో ఓ బాలుడికి కరోనా పాజిటివ్ వచ్చింది. ఈ ప్రాంతాన్ని ఆర్థిక శాఖ మంత్రి హరీశ్ రావు ఇతర అధికారులతో కలిసి పరిశీలించారు. సాయికృపా కాలనీతో పాటు... పక్కనే ఉన్న మయూరి నగర్ కాలనీలో గతంలో కరోనా కేసు రావడం వల్ల ఈ ప్రాంతాన్ని ఏడో కంటైన్మెంట్ ప్రాంతంగా ప్రకటించాలని మంత్రి ఆదేశించారు.
ఈ ప్రాంతాన్ని అధికారులు స్వాధీనంలోకి తెచ్చుకోవాలని... ప్రజలెవ్వరూ బయటకు రావొద్దని మంత్రి సూచించారు. జిల్లా కలెక్టర్ రూపొందించిన యాప్ ద్వారా సౌకర్యాలు పొందవచ్చని తెలిపారు. ఏవైనా సమస్యలు ఉంటే వాట్సప్ నెంబర్ ద్వారా సంప్రదించాలని పేర్కొన్నారు. ఈ ప్రాంతం నుంచి పూర్తిగా రాకపోకలు నిలిపివేశారు.
ఏడో కంటైన్మెంట్ జోన్గా సాయికృపా కాలనీ
ఇదీ చూడండి : రూ. 1500కే కరోనా పరీక్ష.. రెండున్నర గంటల్లో ఫలితం
