పారిశుద్ధ్యం లేదంటూ అధికారులకు మెమో జారీ

సంగారెడ్డి జిల్లా మున్సిపల్ కమిషనర్ హనుమంత రావు అధికారులుపై ఆగ్రహం వ్యక్తం చేశారు. పారిశుద్ధ్య నిర్వహణ సక్రమంగా లేకపోవడంతో అధికారులకు మెమో జారీ చేసినట్లు పేర్కొన్నారు.

సంగారెడ్డి జిల్లా అమీన్​పూర్ మండలం సుల్తాన్​పూర్ మెడికల్ డివైజెస్ పార్క్​లో శంకుస్థాపనకు వెళ్తూ మున్సిపాలిటీ పరిధిలోని పరిసరాలను మున్సిపల్ కమిషనర్ హనుమంత రావు పరిశీలించారు. రహదారులపై ఎక్కడపడితే అక్కడ చెత్త ఉందని గమనించి శుభ్రం చేయడం లేదంటూ కమిషనర్ అసహనం వ్యక్తం చేశారు. పారిశుద్ధ్య నిర్వహణ సక్రమంగా లేకపోవడంతో అధికారులకు మున్సిపల్ కమిషనర్ మెమో జారీ చేసినట్లు తెలిపారు.

ఇదీ చూడండి : తెలంగాణ ఆర్టీసీలో సమ్మె సైరన్