సంగారెడ్డి జిల్లా అమీన్పూర్లో ఆదివారం రాత్రి గుర్తుతెలియని వ్యక్తులు ఓ వ్యక్తిని దారుణంగా హత్య చేశారు. స్థానికులు అందించిన సమాచారం మేరకు సంఘటనా స్థలాకి చేరుకున్న పోలీసులు వివరాలు సేకరించారు. మృతుడు అమీన్పూర్కు చెందిన సాయికుమార్గా గుర్తించారు. ఎవరో గుర్తు తెలియని వ్యక్తులు బండరాయితో మోది హత్య చేసినట్లు వెల్లడించారు.
మృతుడు తరుచూ మద్యం తాగుతూ స్నేహితులతో తిరిగేవాడని ఈ నేపథ్యంలో ఎవరితోనైనా గొడవ పడటంతో హత్య చేసి ఉండవచ్చునని అనుమానం వ్యక్తమవుతోంది. మృతదేహాన్ని పోస్టుమార్టం నిమిత్తం పటాన్చెరు ప్రభుత్వాసుపత్రికి తరలించారు. ఈ మేరకు కేసు నమోదు చేసి దర్యాప్తు చేస్తున్నారు.
ఇవీచూడండి: జనాభా లెక్కలు ఈ ఏడాది లేనట్టే!
