అనవసరంగా బయటకు వస్తే చర్యలు తప్పవు: ఎస్పీ చంద్రశేఖర్​

సంగారెడ్డి నియోజకవర్గంలో పోలీసులు లాక్​డౌన్​ను పకడ్బందీగా అమలు చేస్తున్నారు. అనవసరంగా బయటకు వచ్చిన వారి వాహనాలను సీజ్​ చేసి.. కేసులు నమోదు చేస్తున్నారు.

సంగారెడ్డి జిల్లా సంగారెడ్డి నియోజకవర్గంలో ఎస్పీ చంద్రశేఖర్​ రెడ్డి ఆధ్వర్యంలో లాక్​డౌన్​​ పటిష్ఠంగా కొనసాగుతోంది. కూడళ్లలో పోలీసులు చెక్​పోస్టులను ఏర్పాటు చేసి అనవసరంగా బయటకు వచ్చిన వారి వాహనాలను సీజ్ చేస్తున్నారు.

అత్యవసరం అయితేనే బయటకి రావాలని ఎస్పీ సూచించారు. లాక్​డౌన్​ మినహాయింపు సమయంలోనూ నిర్ణీత దూరం పాటించి, సరైన జాగ్రత్తలు పాటిస్తూ ఉండాలని పేర్కొన్నారు. అనవసరంగా బయటకు వస్తే చర్యలు తప్పవని హెచ్చరించారు.

ఇదీ చదవండి: లేపాక్షి నాలెడ్జ్ హబ్ ఛార్జిషీట్‌పై స్టేకు హైకోర్టు నిరాకరణ