ఏటీఎంలో డబ్బులు కాదు.. ఏటీఎంనే ఎత్తుకెళ్లారు
సంగారెడ్డి జిల్లా పటాన్చెరు మండలం రుద్రారం గ్రామ పరిధిలో ఓ ఇండిక్యాష్ ఏటీఎం యంత్రాన్ని గుర్తు తెలియని దుండగులు ఎత్తుకెళ్లారు. గ్రామ పరిధిలో ఓ షెటర్ను అద్దెకు తీసుకుని రెండు ఇండిక్యాష్ ఏటీఎం యంత్రాలను ఏర్పాటు చేశారు. శనివారం రాత్రి గుర్తు తెలియని దుండగులు షెటర్లోకి దూరి.. ఓ ఏటీఎంను ఎత్తుకెళ్లారు.
నగదు తీసుకుందామని వెళ్లిన వినియోగదారులకు ఒక ఏటీఎం మాత్రమే కనిపించడం వల్ల స్థానిక ప్రజా ప్రతినిధులకు సమాచారం ఇచ్చారు. వారు పోలీసులకు సమాచారం ఇవ్వడం వల్ల ఘటనా స్థలికి చేరుకుని పరిశీలించారు. సీసీ టీవీ పుటేజీలో వారు దొంగిలించిన తీరును బట్టి దర్యాప్తు చేస్తున్నారు.
