సంగారెడ్డి జిల్లా జోగిపేట పట్టణానికి చెందిన నరిసింహులు, బిజిలీపూర్ గ్రామానికి చెందిన మమతతో గత మూడేళ్ల క్రితం వివాహం జరిగింది. ఈ నెల 9న వారిమధ్య గొడవ జరగటం వల్ల నరిసింహులు ఇంట్లో నుంచి వెళ్లిపోయాడు. కుటుంబ సభ్యులు అతని కోసం ఎంత గాలించినా ఆచూకీ లభించలేదు. అనంతరం పోలీసులకు ఫిర్యాదు చేశారు.
సోమవారం మధ్యాహ్నం గ్రామ శివారులోని ఓ చెట్టుకు అతను ఉరేసుకొని మృతి చెందిన దృశ్యాన్ని స్థానికులు చూసి పోలీసులకు సమాచారం అందించారు. ఘటనాస్థలానికి చేరుకున్న పోలీసులు కేసు నమోదు చేసుకొని దర్యాప్తు చేస్తున్నారు. నరసింహులు మృతితో కుటుంబంలో విషాదఛాయలు నెలకొన్నాయి.
