ముగిసిన అమీన్​పూర్​ నిందితుల కస్టడీ.. జైలుకు తరలింపు!

సంగారెడ్డి జిల్లా అమీన్​పూర్​ మారుతి అనాథాశ్రమంలో బాలిక అత్యాచారం కేసులో అదుపులోకి తీసుకున్న నిందితుల కస్టడీ గడువు ముగిసింది. వారిని జైలుకు తరలించేందుకు గానూ.. పోలీసులు పటాన్​చెరు ప్రభుత్వ ఆస్పత్రిలో వైద్య పరీక్షలు చేయించారు. అక్కడి నుంచి నేరుగా కంది జైలుకు తరలించారు.

సంగారెడ్డి జిల్లా అమీన్​పూర్​ అనాథాశ్రమంలో బాలికపై లైంగిక దాడి చేసిన ముగ్గురు నిందితులు పోలీసుల కస్టడీలో ఉన్న విషయం తెలిసిందే. రెండు రోజుల కస్టడీ గడువు ముగియడం వల్ల పోలీసులు వారిని జైలుకు తరలించేందుకు ఏర్పాట్లు చేశారు. అంతకంటే ముందు వారికి పటాన్​చెరు ప్రభుత్వ ఆస్పత్రిలో వైద్య పరీక్షలు చేయించారు. వారి ఆరోగ్య పరిస్థితి బాగానే ఉందని తేలడం వల్ల వారిని జిల్లాలోని కంది జైలులో అప్పజెప్పేందుకు తీసుకెళ్లారు.

ఇదీ చూడండి : పిల్లల అమ్మకాలకు ఏజెంట్​ వ్యవస్థ.. 'సృష్టి'oచిన ఆసుపత్రి