రంగారెడ్డి జిల్లా జడ్పీ కార్యాలయంలో టీఆర్టీ అభ్యర్థులు నియామక పత్రాలు అందుకున్నారు. ధ్రువ పత్రాల జారీకి ఆలస్యమైనప్పటికీ నేడు నియామక పత్రాలు అందుకోవడం పట్ల టీఆర్టీ ఉపాధ్యాయ సంఘం రాష్ట్ర అధ్యక్షుడు మల్లికార్జున్ గౌడ్ ఆనందం వ్యక్తం చేశారు. తమ వెంట ఉంటూ వెన్నుతట్టి ముందుకు నడిపించిన ఉపాధ్యాయ సంఘాలు, ప్రజా సంఘాలకు ప్రత్యేక కృతజ్ఞతలు తెలిపారు.
పెండింగ్లో ఉన్న ఎస్జీటీ, పీహెచ్సీ, ఎస్ఏ హిందీ, ఎల్పీ హిందీ, పీఈటీ నియామకాలు వెంటనే చేపట్టాలని డిమాండ్ చేశారు. టీఆర్టీ నియామకాలు చేపట్టినందుకు సీఎం కేసీఆర్కు ధన్యవాదాలు తెలిపారు. పాఠశాలల అభివృద్ధిలో కీలక పాత్ర పోషించి, విద్యార్థుల బంగారు భవిష్యత్తుకు బాటలు వేస్తామని స్పష్టం చేశారు.
నియామక పత్రాలు అందుకోవడం ఆనందదాయకం : టీఆర్టీ అభ్యర్థులు
ఇవీ చూడండి : 'డీ లిమిటేషన్ ప్రక్రియ మరోసారి చేపట్టాలి'
