రాష్ట్ర ప్రభుత్వం ప్రకటించిన పీఆర్సీతో తీవ్ర దిగ్భ్రాంతికి గురైనట్లు రాష్ట్ర ప్రభుత్వ పెన్షనర్ల జేఏసీ ఛైర్మన్ లక్ష్మయ్య అన్నారు. ఈ ఉత్తర్వులను ప్రభుత్వం తక్షణమే వెనక్కి తీసుకోవాలంటూ ఆయన డిమాండ్ చేశారు. ఈ నిర్ణయాన్ని వ్యతిరేకిస్తూ హైదరాబాద్లోని వనస్థలిపురంలో పీఆర్సీ ప్రకటన ఉత్తర్వులను దహనం చేశారు.
పీఆర్సీపై సీఎం ముగ్గురు అధికారులను నియమించినా ఎలాంటి ఉపయోగం లేదన్నారు. ప్రభుత్వం నుంచి 63 శాతం ఫిట్మెంట్ వస్తుందని ఆశించినట్లు తెలిపారు. ప్రభుత్వం ప్రకటించిన పీఆర్సీ పట్ల పెన్షనర్లు ఆగ్రహం వ్యక్తం చేశారు. మిగులు బడ్జెట్ రాష్ట్రం అంటూనే పెన్షనర్ల సదుపాయాల పట్ల సీఎం కేసీఆర్ నిర్లక్ష్యంగా వ్యవహరిస్తున్నారని ఆయన ఆరోపించారు.
