'సత్తా ఉన్న అభ్యర్థులనే కాంగ్రెస్ బరిలోకి దింపింది'

తెరాసకు ఓటు వేస్తే భాజపాకు వేసినట్లేనని రాజస్థాన్ ఉప ముఖ్యమంత్రి సచిన్ పైలట్​ అన్నారు. సార్వత్రిక ఎన్నికల్లో తెలంగాణలో ఆరు ఎంపీ స్థానాలు గెలుస్తామని ఆయన ధీమా వ్యక్తం చేశారు.

తెలంగాణలో కాంగ్రెస్ ఆరు ఎంపీ స్థానాలు గెలుస్తుందని రాజస్థాన్ ఉపముఖ్యమంత్రి సచిన్ పైలట్​ ధీమా వ్యక్తం చేశారు. తెరాసకు ఓటేస్తే భాజపాకు మేలవుతుందని... రాష్ట్ర ప్రజలు గ్రహించారని... రానున్న ఎన్నికల్లో హస్తం పార్టీ అభ్యర్థులను గెలిపించడానికి అందరూ సిద్ధంగా ఉన్నారన్నారు. తెలంగాణ అభివృద్ధి కాంగ్రెస్​తోనే సాధ్యమన్నారు. చేవెళ్ల ఎంపీ అభ్యర్థి కొండా విశ్వేశ్వర్​ రెడ్డితో కలిసి హైదరాబాద్​లో మీడియా సమావేశం నిర్వహించారు. కాంగ్రెస్ పార్టీ సత్తా ఉన్న అభ్యర్థులనే బరిలోకి దింపిందని సచిన్ పైలెట్ పేర్కొన్నారు.

నిన్న చేవెళ్ల సభకు లక్ష మంది సభ్యులు హాజరైనట్లు కాంగ్రెస్ ఎంపీ అభ్యర్థి కొండా విశ్వేశ్వర్​ రెడ్డి పేర్కొన్నారు. ఈసారి కూడా విజయం తనదేనని ధీమా వ్యక్తం చేశారు.

ఇవీ చూడండి: "మోదీ, కేసీఆర్​ హయాంలో ప్రజాస్వామ్యం ఖూనీ"