డాక్టర్స్ డే సందర్భంగా రంగారెడ్డి జిల్లా వైద్య శాఖకు కియోస్క్ మిషన్ను రాచకొండ పోలీస్ కమిషనర్ మహేశ్ భగవత్ అందజేశారు. వనస్థలిపురం ఏరియా ఆస్పత్రిలో నిర్వహించిన కార్యక్రమంలో కరోనా పరీక్షల కోసం వినియోగించే కియోస్క్ మిషన్ను అందించారు. సీపీ మహేశ్ భగవత్, రంగారెడ్డి జిల్లా వైద్యాధికారి స్వరాజ్యలక్ష్మి, ఎల్బీనగర్ డీసీపీ సన్ ప్రీత్ సింగ్ కలిసి మిషన్ను ప్రారంభించారు.
రాచకొండ కమిషనరేట్ పరిధిలోని ప్రజలకు ఈ మిషన్ సాయంతో నిర్ధరణ పరీక్షలు నిర్వహించేందుకు సులువుగా ఉంటుందని సీపీ తెలిపారు. కరోనా సమయంలో వైద్యుల సేవలు వెలకట్టలేనివని మహేశ్ భగవత్ కొనియాడారు. ఈ కార్యక్రమంలో వైద్య అధికారులు, పోలీసు అధికారులు పాల్గొన్నారు.
