గ్రామపంచాయతీ భవనానికి పార్టీ రంగులు వేయటాన్ని రంగారెడ్డి జిల్లా లోయపల్లి గ్రామ సీపీఎం నేతలు ఖండించారు. ప్రభుత్వ కార్యాలయాలకు రాజకీయ పార్టీల రంగులు వేయడాన్ని తీవ్రంగా తప్పుబడుతున్నామని ఆ పార్టీ నేత చెరుకు గణేశ్ తెలిపారు. ప్రభుత్వ నియమ నిబంధనలకు అనుగుణంగా...వ్యవహారించాల్సిన అవసరం ఉందని అభిప్రాయపడ్డారు.
ఆంధ్రప్రదేశ్లో గ్రామ పంచాయతీ భవనాలకు పార్టీ రంగులు వేయటాన్ని సుప్రీంకోర్టు తీవ్రంగా ఖండించిన విషయాన్ని గుర్తు చేశారు. ఈ విషయంపై పంచాయతీ కార్యదర్శి దృష్టి సారించాలని... వెంటనే తగిన చర్యలు తీసుకోవాలని డిమాండ్ చేశారు. లేని పక్షంలో పంచాయతీరాజ్ శాఖ కార్యదర్శితో పాటు కలెక్టర్ దృష్టికి తీసుకెళతామని స్పష్టం చేశారు.
