ఎమ్మెల్సీ ఎన్నికలకు అన్ని ఏర్పాట్లు చేశాం: అమోయ్​ కుమార్​

పోలింగ్ సమయం దగ్గర పడుతుండడంతో ఎమ్మెల్సీ ఎన్నికల్లో పాల్గొనే సిబ్బందికి అధికారులు శిక్షణ శిబిరాన్ని నిర్వహించారు. రంగారెడ్డి జిల్లా సరూర్​నగర్​లో ఏర్పాటు చేసిన శిబిరాన్ని కలెక్టర్ అమోయ్ కుమార్ పరిశీలించారు. పోలింగ్ సక్రమంగా జరిగేలా చూడాలని అధికారులకు సూచనలిచ్చారు.

హైదరాబాద్-రంగారెడ్డి-మహబూబ్​నగర్ పట్టభద్రుల ఎమ్మెల్సీ ఎన్నికల సిబ్బంది శిక్షణ శిబిరాన్ని రంగారెడ్డి జిల్లా పాలనాధికారి అమోయ్ కుమార్ పరిశీలించారు. పోలింగ్ సమయం దగ్గర పడుతుండడంతో సరూర్​నగర్​లోని జూనియర్ కళాశాలలో శిక్షణ శిబిరం ఏర్పాటు చేశారు.

ఈ నెల 14న పోలింగ్ ప్రక్రియ సక్రమంగా జరిగే విధంగా కృషి చేయాలని ఎన్నికల అధికారులకు కలెక్టర్ సూచించారు. పోలింగ్​ కేంద్రాల్లో వెబ్​ క్యాస్టింగ్ సిబ్బందికి శిక్షణ ఇచ్చినట్లు ఆయన తెలిపారు. రెండోసారి నిర్వహించిన శిక్షణకు అధికారులందరూ హాజరైనట్లు వెల్లడించారు. ఈ కార్యక్రమంలో అదనపు కలెక్టర్, నోడల్ ఆఫీసర్ కల్యాణి, ఆర్డీవోలు రవీందర్ రెడ్డి, వెంకటాచారి, సరూర్​నగర్ ఎమ్మార్వో రామ్ మోహన్, పలు మండలాలకు చెందిన వారు ఉన్నారు.

ఇదీ చూడండి: కేంద్ర నిధులతోనే రాష్ట్రంలో సంక్షేమ పథకాలు: బండి