రంగారెడ్డి జిల్లా జల్పల్లి మున్సిపాలిటి పరిధిలోని ఉస్మాన్ సాగర్ కాలనీలో ముంపునకు గురైన ప్రాంతాల్ని ఎమ్మెల్యే సయ్యద్ అహ్మద్ పాషా ఖాద్రీ, అదనపు కలెక్టర్ ప్రతిక్ జైన్తో కలిసి పరిశీలించారు. వరద నీటి సమస్య పరిష్కారం కోసం తీసుకోవాల్సిన జాగ్రత్తలను మున్సిపల్ కమిషనర్, ఇంజినీర్లు, ఆర్డీఓలతో చర్చించారు. నీట మునిగిన ఇళ్లల్లో ఉన్న ప్రజలను సురక్షిత ప్రాంతాలకు తరలించి ఇరిగేషన్ ఇంజినీర్లతో పూర్తిస్థాయి నివేదిక తయారుచేసి సమస్య శాశ్వత పరిష్కారం దిశగా ముందడువేస్తామని అదనపు కలెక్టర్ ప్రతిక్ తెలిపారు.
ఉస్మాన్ సాగర్ కాలనీలో వర్షపు నీరు పోవడానికి ఎక్కడ కూడా అవకాశంలేక ప్రజలు ఇబ్బందులు పడుతున్నారని ఎమ్మెల్యే సయ్యద్పాషా ఖాద్రీ అభిప్రాయపడ్డారు. వీలైనంత తొందరగా నీటిని తొలగించే ఏర్పాట్లు చేయనునట్లు హమీ ఇచ్చారు. ఈపర్యటనలో మున్సిపల్ ఛైర్మన్ అబ్దుల్లాహ్ బిన్ అహ్మద్ సాది, ఎమ్ఐఎమ్ నేత అహ్మద్ సాది తదితరులు పాల్గొన్నారు.
ఇదీ చూడండి: 'భగీరథ జలం సురక్షితం'
