రాష్ట్ర ప్రభుత్వం గిరిజన మహిళల సంక్షేమానికి అధిక ప్రాధాన్యతనిస్తుందని గిరిజన సంక్షేమ శాఖ మంత్రి సత్యవతి రాఠోడ్ అన్నారు. రంగారెడ్డి జిల్లా ఆమనగల్ మండల కేంద్రంలో పర్యటించారు. ఆమనగల్ పురపాలిక పరిధిలోని మహిళా సంక్షేమ నిలయాన్ని సందర్శించారు. కల్యాణ లక్ష్మి, షాదీ ముబారక్, గర్భిణీలకు అంగన్వాడీల ద్వారా పోషకాహారం వంటి పథకాలు దేశంలో మరెక్కడా లేవన్నారు. గిరిజన బాలికలకు ఆశ్రమ పాఠశాలలు, గిరిజన సంక్షేమ గురుకుల పాఠశాలల ఏర్పాటు చేసి విద్యాభివృద్ధికి ప్రభుత్వం చేస్తున్న కృషిని కొనియాడారు. కార్యక్రమంలో ఎమ్మెల్యే జైపాల్ యాదవ్, తెరాస నాయకులు, కార్యకర్తలు, వివిధ శాఖల అధికారులు పాల్గొన్నారు.
ఆమనగల్ మండలంలో మంత్రి సత్యవతి రాఠోడ్ పర్యటన
ఇదీ చూడండి: కలుషిత ఆహారం తిని 60 మంది విద్యార్థులకు అస్వస్థత
