రంగారెడ్డి జిల్లా కొత్తూర్ పురపాలిక ఎన్నికల పోలింగ్ ప్రశాంతంగా ముగిసింది. ఉదయం 7 గంటల ప్రాంతంలో ఓటర్లు ఓటు వేయడానికి ఒక్కసారిగా తరలిరావడం వల్ల ఆయా పోలింగ్ కేంద్రాలు ఓటర్లతో నిండిపోయాయి. ఓటు హక్కు వినియోగించుకునేందుకు వచ్చిన ఓటర్లకు ఆరోగ్య సిబ్బంది థర్మల్ స్కానింగ్ చేసి, శానిటైజర్ అందజేశారు.
కొత్తూర్ జడ్పీహెచ్ఎస్ పోలింగ్ కేంద్రాన్ని శంషాబాద్ ఏసీపీ ప్రకాశ్ రెడ్డి సందర్శించారు. కరోనా నిబంధనలకు అనుగుణంగా ఓటింగ్ జరుగుతుందో లేదో పరిశీలించారు. ఓవైపు కరోనా.. మరోవైపు ఎండ వేడిమి వల్ల ఓటు వేయడానికి ప్రజలు ఎక్కువగా ఆసక్తి చూపలేదు. మధ్యాహ్నం మధ్యాహ్నం 3 గంటల వరకు 76.79 శాతం పోలింగ్ నమోదైనట్లు ఎన్నికల ప్రత్యేక అధికారిణి జ్యోతి తెలిపారు.
- ఇదీ చదవండి: కరోనా కాలంలో చేయాల్సినవి.. చేయకూడనివి..
