తెల్లవారుజామున 4 గంటల 30 నిమిషాలకే లేస్తారు. మైదానంలోకి అడుగు పెడతారు. శారీరక దృఢత్వానికి వ్యాయామం చేస్తారు. మానసిక వికాసానికి యోగా కూడా చేస్తారు. శరీరకంగా, మానసికంగా దృఢంగా తయారవుతారు. విధులకు సిద్ధమవుతారు. మావోయిస్టులు, మిలటెంట్ల ఏరివేతకు సీఆర్పీఎఫ్ జవాన్లు ప్రత్యేక శిక్షణ పొందుతారు. నడిచేందుకు కూడా సాధ్యం కాని కీకారణ్యాల్లో గాలింపు చేపడతారు.
రాణిస్తున్న మహిళలు
ఇన్ని సవాళ్లున్న ఈ దళంలో పురుషులతో పాటు మహిళలు సమర్ధవంతంగా రాణిస్తున్నారు. చిన్న చిన్న ఉద్యోగాలే కాకుండా పెద్ద స్థాయిల్లో పని చేస్తున్నారు. తమని చూసి మరింత మంది ముందుకు రావాలని వారు కోరుతున్నారు. యూనిఫామ్ ఉద్యోగాల్లో చేరాలనుకునే వారికి సీఆర్ఫీఎఫ్ మంచి అవకాశం అని మహిళా జవాన్లు చెబుతున్నారు.
దివ్యాంగులకు అండగా
దేశ అంతర్గత భద్రత విధుల్లో భాగంగా గాయపడి దివ్యాంగులుగా మారిన వారికి రంగారెడ్డిలోని ఈ గ్రూప్ సెంటర్లో నేషనల్ దివ్యాంగ్ ఎంపవర్మెంట్ను ఏర్పాటు చేసి వారికి పారా క్రీడలతో పాటు వివిధ రంగాల్లో ప్రత్యేక శిక్షణ ఇస్తూ వారిలో నూతన ఉత్సాహాన్ని నింపుతున్నారు. పారా క్రీడల్లో జాతీయ, అంతర్జాతీయ స్థాయిలో రాణించడమే తమ లక్ష్యమని.. దివ్యాంగ జవాన్లు చెబుతున్నారు.
ఇదీ చదవండి: 'పఠాన్‌కోట్‌ దాడికి స్థానిక పోలీసుల సాయం'!
