హైదరాబాద్‌ వనస్థలిపురంలోని శ్రీ పద్మావతి సమేత వెంకటేశ్వరస్వామి ఆలయంలో కార్తిక మాస బ్రహ్మోత్సవాలు నేటితో ముగిశాయి. వారం రోజులుగా జరుగుతున్న ఉత్సవాలను నిర్వహించారు. కార్తిక మాసం కావడంతో భక్తులు పెద్దఎత్తున ఉత్సవాల్లో పాల్గొన్నారు.
ఏడు రోజులుగా స్వామివార్లకు ప్రత్యేక పూజలు నిర్వహించారు. నవకలశ స్థాపన, తిరుమంజనం, చక్రస్నానం లాంటి ప్రత్యేక కార్యక్రమాలు చేపట్టారు. కార్తిక మాస ప్రత్యేకత ప్రతిబింబించేలా ఆలయంలో ఏర్పాట్లు చేశారు. స్వామివార్లకు సుదర్శన, నరసింహ, మహాలక్ష్మి హోమాలు నిర్వహించారు.
ప్రత్యేక వాహనసేవలు
పద్మావతి సమేత వెంకటేశ్వరస్వామి వారికి ప్రత్యేక వాహన సేవలు, కలశస్థాపన వంటి వైదిక క్రతువులు సైతం జరిపించారు. ఈ బ్రహ్మోత్సవాల్లో భక్తులు భారీసంఖ్యలో పాల్గొని మొక్కులు చెల్లించుకున్నారు. భక్తులకు ఎలాంటి ఇబ్బందులు తలెత్తకుండా ఆలయ సిబ్బంది ఏర్పాట్లు చేశారు.
ఇదీ చూడండి:
