'ఆర్టీసీ విధులకు హాజరైన గర్భిణీ' కథనానికి స్పందన

7 నెలల గర్భిణీ ..కండక్టర్​గా విధులు నిర్వర్తించేందుకు వచ్చిందన్న ఈటీవీ భారత్​ కథనానికి ఓ వ్యక్తి మానవతా హృదయంతో స్పందించారు. ఆమెకు రూ. 5 వేలు ఆర్థిక సాయం చేశారు.

పెద్దపల్లి జిల్లా మంథని డిపో కండక్టర్ సుమలత ఏడు నెలల గర్భిణీ. ముఖ్యమంత్రి పిలుపు మేరకు శుక్రవారం విధుల్లో చేరేందుకు వచ్చింది. ఈటీవీ భారత్​లో ప్రసారం చేసిన "విధులకు హాజరైన ఏడు నెలల గర్భిణీ" కథనానికి స్పందన లభించింది.

సమ్మెతో గత మూడు నెలలుగా అర్థికంగా ఇబ్బంది పడ్డానని సుమలత ఈటీవీ భారత్​కు గోడు వెళ్లబోసుకుంది. యాప్​లో ప్రచురితమైన వార్తను చూసిన మారుపాక సత్యనారాయణ స్పందించారు. శుక్రవారం రాత్రి డిపోకు వచ్చి ఆమెకు వైద్యం కోసం 5 వేలు విరాళంగా ఇచ్చారు. ఈటీవీ భారత్​కు సుమలత ధన్యవాదాలు తెలిపారు.

ఈటీవీ భారత్​లో వచ్చిన వార్తను చూసి తన భార్య వెంటనే సుమలతకు ఆర్థిక సాయం చేయాలని చెప్పిందని మారుపాక సత్యనారాయణ తెలిపారు. యాప్​లో వార్త రావడం వల్లే ఈ సహాయం చేశామని ఆయన పేర్కొన్నారు.

ఇవీ చూడండి: విధులకు హాజరైన ఏడు నెలల గర్భిణీ