మంథని-కాటారం ప్రధాన రహదారిపై వందలాదిగా ఇసుక లారీలు నిలిచిపోయాయి. అదే సమయంలో కాటారం నుంచి మంథని వైపుగా వచ్చిన ఎమ్మెల్యే దుద్దిళ్ల శ్రీధర్ బాబు... ట్రాఫిక్ను నియంత్రించారు. పెద్దపల్లి జిల్లా మంథని మండలం వెంకటాపూర్లో మూల మలుపు సమీపంలో రోడ్డుకు ఇరువైపులా ఇసుక లారీలు నిలిచి ట్రాఫిక్కు అంతరాయం కలిగింది. పోలీసులకు సమాచారం అందించిన ఎమ్మెల్యే... వెంటనే కారు దిగి వాహనాలను క్రమబద్ధీకరించారు. జాగ్రత్తగా వెళ్లాలని ప్రయాణికులకు సూచించారు. ఇసుక లారీల వల్ల ట్రాఫిక్కు అంతరాయం ఏర్పడి ప్రమాదాలు జరిగే అవకాశమున్నందున... అధికారులు వెంటనే చర్యలు తీసుకోవాలని అధికారులను శ్రీధర్ బాబు కోరారు.
ఇదీ చూడండి: మహిళ అనుమానాస్పద మృతి.. భర్తపై బంధువుల ఫిర్యాదు
