పాత్రికేయులకు, పోలీసులకు మాస్కుల పంపిణీ

పెద్దపల్లి జిల్లా గోదావరిఖనిలోని ప్రజలు స్వీయ నిర్బంధంలో ఉండి వ్యక్తిగత జాగ్రత్తలు పాటించాలంటూ ట్రాఫిక్​ పోలీసులు ప్లకార్డులు ప్రదర్శన నిర్వహించారు. రెండు వేల మాస్కులు, శానిటైజర్లను విధుల్లో ఉన్న పోలీసులకు, పాత్రికేయులకు రామగుండం సీపీ సత్యనారాయణ పంపిణీ చేశారు.

ప్రతి ఒక్కరూ వ్యక్తిగత భద్రత పాటించడం ద్వారా కరోనా వైరస్​ను నివారించవచ్చునని రామగుండం పోలీస్ కమిషనర్ సత్యనారాయణ పేర్కొన్నారు. పెద్దపెల్లి జిల్లా గోదావరిఖని చౌరస్తాలో ఏర్పాటు చేసిన ప్రత్యేక కార్యక్రమంలో సీపీ సత్యనారాయణ పాల్గొని విధి నిర్వహణలో ఉన్న పోలీసులకు, పాత్రికేయులకు రెండువేల మాస్కులు, శానిటైజర్లను పంపిణీ చేశారు.

ట్రాఫిక్​ పోలీసులు 'ఇల్లు మద్దు-వీధి వద్దు' అంటూ ప్లకార్డులు పట్టుకుని చౌరస్తా వద్ద ప్రదర్శన నిర్వహించారు. ప్రతి ఒక్కరూ సామాజిక దూరాన్ని పాటించాలని ఇళ్ల నుంచి ఎవరూ బయటకు రావద్దని.. తగు వ్యక్తిగత జాగ్రత్తలు పాటించాలని సీపీ ప్రజలు సూచించారు. ఈ కార్యక్రమంలో పలుపురు పోలీసు అధికారులు పాల్గొన్నారు.

ఇదీ చదవండి: విస్తరిస్తున్న కరోనా... ఒక్కరోజే 14 మందికి