పెద్దపల్లి జిల్లాలో స్థానిక సంస్థల ఎన్నికలకు సర్వం సిద్ధం

పెద్దపల్లి జిల్లాలో రేపు జరిగే రెండో విడత స్థానిక సంస్థల ఎన్నికలకు సర్వం సిద్ధమైంది. ఎన్నికల నిర్వాహణకు పోలింగ్ సామాగ్రిని అధికారులు పంపిణీ చేశారు.

రేపు జరిగే రెండో విడత ప్రాదేశిక ఎన్నికల నిర్వాహణకు పెద్దపల్లి జిల్లాలో అధికారులు పోలింగ్ సామాగ్రి పంపిణీ చేపట్టారు. జిల్లాలోని సుల్తానాబాద్, ఎలిగేడు, జూలపల్లి, కాల్వశ్రీరాంపూర్, ఓదెల, పెద్దపల్లి మండలాల్లోని 6 జడ్పీపీటీసీ, 69 ఎంపీటీసీ స్థానాలకు ఎన్నికలు జరగనున్నాయి. ఈ ఆరు మండలాల్లో 378 పోలింగ్ కేంద్రాలు ఏర్పాటు చేయగా.. 2274 మంది ఎన్నికల సిబ్బందిని నియమించారు. శాంతి భద్రతల దృష్ట్యా 700 మంది పోలీసు సిబ్బంది నియమించినట్లు అధికారులు వెల్లడించారు.

ఇవీ చూడండి: చిక్కుల్లో రవిప్రకాశ్.. టీవీ9 సీఈవోగా తొలగింపు