పెద్దపల్లి జిల్లా మంథని మండలం ఎగ్లాస్పూర్ గ్రామ సమీపంలో మూడు లారీలు ఒకదానికొకటి ఢీకొని ప్రమాదం జరిగింది. మంథని- కాటారం ప్రధాన రహదారిపై గాడిదల గండి గుట్ట వద్ద ఈ ప్రమాదం జరగ్గా... ఇరువైపులా వందల సంఖ్యలో వాహనాలు నిలిచిపోయాయి. డ్రైవర్లకు చిన్నచిన్న గాయాలు మినహా... ఎవరికీ ఎటువంటి ప్రమాదం జరగకపోవటం వల్ల అందరూ ఊపిరి పీల్చుకున్నారు.
ఒకవైపు వర్షం మరొక వైపు రహదారి పక్కకు బురద ఏర్పడటం వల్ల వాహనాలు దిగబడి పోతున్నాయి. సుమారు 6 గంటల పాటు నుంచి రోడ్లపై వాహనాలు నిలిచిపోగా.. ప్రయాణికులు తీవ్ర ఇబ్బందులు ఎదుర్కొంటున్నారు. ఘటనా స్థలానికి చేరుకున్న పోలీసులు లారీలను పక్కక్కు తప్పించి.... ట్రాఫిక్ను పునరుద్ధరించారు.
