'అధికారంలోకి వచ్చిన వెంటనే పసుపు బోర్డు'

బోధన్​ చక్కెర కర్మాగారం మూతపడడానికి కవితే కారణమని నిజామాబాద్​ కాంగ్రెస్​ అభ్యర్థి మధుయాస్కీ ఆరోపించారు. అధికారంలోకి వచ్చిన వెంటనే పసుపు బోర్డు ఏర్పాటుచేస్తామని హామీ ఇచ్చారు.

కేంద్రంలో కాంగ్రెస్​ అధికారంలోకి వచ్చిన వెంటనే పసుపు బోర్డు ఏర్పాటు చేస్తామని నిజామాబాద్​ కాంగ్రెస్​ అభ్యర్థి మధుయాస్కీ గౌడ్​ హామీ ఇచ్చారు. మోర్తాడ్​ మండలంలో నిర్వహించిన బాల్కొండ కాంగ్రెస్​ కార్యకర్తల సమావేశానికి ఆయన మఖ్య అతిథిగా హాజరయ్యారు. బోధన్​లో చక్కెర కర్మాగారం మూతపడడానికి ప్రస్తుత ఎంపీ కవితనే కారణమని ఆరోపించారు. హస్తం గుర్తుకు ఓటేసి గెలిపించాలని కోరారు.

కనీస ఆదాయ పథకం కింద నెలకు ఆరు వేల రూపాయలు అందిస్తామని మధుయాస్కీ అన్నారు. ఈ కార్యక్రమంలో మాజీ మంత్రి సంతోష్​ రెడ్డి, డీసీసీ అధ్యక్షుడు మోహన్​రెడ్డి, అధిక సంఖ్యలో కార్యకర్తలు పాల్గొన్నారు.
ఇవీ చూడండి:'గెలిచాక రెండ్రోజుల్లోనే మెట్రో రైలును తెప్పిస్తా'