తెలుగుదేశం పార్టీ 40వ ఆవిర్భావ దినోత్సవ వేడుకలు నిజామాబాద్ పార్లమెంట్ కార్యాలయంలో ఘనంగా జరిగాయి. ఈ సందర్భంగా తెదేపా నిజామాబాద్ పార్లమెంట్ అధ్యక్షుడు దేగాం యాదాగౌడ్ పార్టీ జెండాను ఆవిష్కరించారు. అనంతరం ఎన్టీఆర్ విగ్రహానికి పూలమాలలు వేసి నివాళులర్పించారు.
హైదరాబాద్కు ప్రపంచ స్థాయి గుర్తింపు కేవలం తెదేపా వల్లే వచ్చిందని యాదాగౌడ్ పేర్కొన్నారు. తెలుగువారికి రాజకీయంగా ఓనమాలు నేర్పిన పార్టీగా తెలుగుదేశం పార్టీ గుర్తింపు పొందిందన్నారు. ఈ సందర్భంగా పోరాడి తెచ్చుకున్న తెలంగాణను సీఎం కేసీఆర్ అప్పుల పాలు చేశాడని విమర్శించారు. ఈ విషయాన్ని ప్రజలు గమనించాలన్నారు. కార్యక్రమంలో జనరల్ సెక్రటరీ రెంజర్ల సురేశ్, పార్లమెంట్ ట్రెజరర్ బ్రహ్మానంద చారి, తదితరులు పాల్గొన్నారు.
