మగాడు గర్భం దాలుస్తాడట.. దేవుడు కొడుకును ప్రసాదిస్తాడట.!

జననం ఇచ్చే గొప్ప వరం స్త్రీకి మాత్రమే ఉంది. కానీ దేవుడే.. ఆ వరం తనకిస్తున్నాడని అంటున్నాడో పురుషుడు. అందులోనూ మగ శిశువును ప్రసాదిస్తున్నాడట ఆ దేవుడు. ఆ వ్యక్తి ఈ విషయాన్ని జోరుగా ప్రచారం చేశాడు. అది నమ్మిన అమాయక ప్రజలు అతన్ని దేవుడిలా కొలిచారు. ఇంట్లో వారితో గొడవలు పడి మరీ పూజలు చేశారు. ఓ వ్యక్తి అతన్ని నిలదీశాడు. తీరా చూస్తే ముఖం చాటేశాడా పురుష పునీతుడు.

నిజామాబాద్​ జిల్లా నందిపేట్​ మండలం కౌల్పూర్​లో ఓ వింత పుకారు జోరుగా షికారు చేసింది. ఒక పురుషుడికి కుమారుడు పుడతాడంటూ కొన్ని నెలలుగా గ్రామస్థులు ఆ వ్యక్తికి పూజలు చేశారు. మహిళలైతే ఇంట్లో వాళ్లతో గొడవలు పెట్టుకుని మరీ ఆ వ్యక్తిని ఆరాధించారు. అతని వద్దకు చెప్పులు వేసుకుని రావొద్దని ఏకంగా మీడియాతో గొడవ కూడా పడ్డారు.

ఏంటీ కథ..?

కౌల్పూర్​లో తనకు కుమారుడు పుడతాడని రాజు అనే వ్యక్తి ఓ పుకారు సృష్టించాడు. కొన్ని నెలల క్రితం దేవుడు ప్రత్యక్షమై తనకు కొడుకుని ఇవ్వబోతున్నట్లు గ్రామస్థులను నమ్మించాడు. ఇలా పలుమార్లు చెబుతూ అమాయక ప్రజలను మోసం చేస్తూ డబ్బులు వసూలు చేశాడు. ఇలా కొన్ని నెలలు కాలం గడపుతూ వచ్చాడు. ఓ వ్యక్తి రాజును గట్టిగా నిలదీయగా.. సమాధానం రాలేదు. అనంతరం ఓ వాహనంలో దుకాణం సర్దేశాడు.

ఇవీ చూడండి: ఐనవోలులో బీరు సీసాతో గొంతుకోసి హత్య