'సామాజిక దూరం పాటిస్తేనే కరోనాను కట్టడి చేయగలం'

కరోనా వైరస్​ వ్యాప్తి నేపథ్యంలో నిజామాబాద్​ జిల్లా కలెక్టర్​ నారాయణరెడ్డి నగరంలోని ప్రధాన బస్టాండ్​ను తనిఖీ చేశారు. బస్టాండ్​లో పారిశుద్ధ్యం, ప్రయాణికుల రద్దీని పరిశీలించారు.

నిజామాబాద్​ కలెక్టర్​ నారాయణరెడ్డి నగరంలోని బస్టాండ్​ను తనిఖీ చేశారు. కరోనా వైరస్​ వ్యాప్తి నేపథ్యంలో సిబ్బంది తీసుకుంటున్న చర్యలు, జాగ్రత్తల గురించి ఆరా తీశారు. ప్రయాణికులతో మాట్లాడి జాగ్రత్తలు చెప్పారు. రద్దీ ప్రాంతాల్లో సామాజిక దూరం పాటించాలని సూచించారు.

విదేశాల నుంచి వచ్చిన వారిని జిల్లాలోని ఐసోలేషన్​ సెంటర్​లో ఉంచుతున్నట్లు నారాయణరెడ్డి తెలిపారు. మార్చి 1 నుంచి ఇప్పటి వరకు వచ్చిన 964 మందిలో ఆరుగురు అనుమానితులుండగా.. క్వారంటైన్​ చేసి ఒకరిని గాంధీకి తరలించినట్లు వెల్లడించారు.

పొరుగు రాష్ట్రాల నుంచి వచ్చే వారికి సరిహద్దుల్లో చెక్​పోస్ట్​లు ఏర్పాటు చేసి తనిఖీలు నిర్వహిస్తున్నామని కలెక్టర్​ పేర్కొన్నారు. ప్రతి ఒక్కరు సహకరిస్తేనే కరోనాను అడ్డుకోగలమని తెలిపారు.

ఇదీ చదవండి: కరోనా ఎఫెక్ట్: నిర్మానుష్యంగా మారిన కరీంనగర్