ఎంపీ అర్వింద్​పై ఈసీకి తెరాస నేత ఫిర్యాదు

నిజామాబాద్​ ఎంపీ ధర్మపురి అర్వింద్​పై తెరాస నేత క్రిశాంక్ రాష్ట్ర ఎన్నికల అధికారి శశాంక్ గోయల్​కు ఫిర్యాదు చేశారు. ఎన్నికల అఫిడవిట్​లో తప్పుడు విద్యార్హతలు సమర్పించారంటూ ఫిర్యాదులో పేర్కొన్నారు. అర్వింద్​ ఎన్నిక చెల్లదని ఈసీ ప్రకటించాలని ఆయన కోరారు.

నిజామాబాద్​ ఎంపీ ధర్మపురి అర్వింద్​... తన ఎన్నికల అఫిడవిట్​లో తప్పుడు విద్యార్హతలు సమర్పించాలని తెరాస నేత క్రిశాంక్​... రాష్ట్ర ఎన్నికల ప్రధానాధికారి శశాంక్​ గోయల్​కు ఫిర్యాదు చేశారు. రాజస్థాన్​ వర్సిటీలో ఎంఏ పొలిటికల్​ సైన్స్​ చదివినట్లు అర్వింద్​ ప్రజలకు అబద్ధాలు చెప్పడమే కాక... ఎన్నికల కమిషన్​నూ తప్పదోవ పట్టించారని ఆరోపించారు.

యూనివర్సిటీ అధికారిక వెబ్​సైట్​లో అర్వింద్​ పేరే లేదని క్రిశాంక్​ పేర్కొన్నారు. తెలంగాణలో ఎన్నో విశ్వవిద్యాలయాలు ఉండగా... రాజస్థాన్​లోని అనామిక వర్సిటీకే ఎందుకు వెళ్లారో చెప్పాలని ఆయన డిమాండ్​ చేశారు. అర్వింద్​ ఎన్నిక చెల్లదని ఈసీ చెప్పాలని... ఈ అంశంపై కోర్టును ఆశ్రయించనున్నట్లు క్రిశాంక్​ తెలిపారు.

ఇవీ చూడండి: పత్తికి అదనంగా రూ.275 పెంచండి!