నిజామాబాద్ జిల్లా కాలూర్ గ్రామంలోని సిద్ది రామేశ్వర్ రైస్ మిల్లో ధాన్యం సేకరణ, మిల్లింగ్ ప్రక్రియను జిల్లా కలెక్టర్ నారాయణరెడ్డి పరిశీలించారు. రైస్మిల్ పక్కనే కోత కోస్తున్న హైర్వెస్టర్, కోసిన ధాన్యం నాణ్యతను పరిశీలించి రైతులతో కొద్ది సమయం ముచ్చటించారు. వానాకాలం ధాన్యం సేకరణలో 9 లక్షల టన్నుల ఉత్పత్తి సాధించటమే లక్ష్యంగా చేసుకున్నామని ఆయన తెలిపారు.
అందులో 7 లక్షల టన్నుల వరి ధాన్యాన్ని జిల్లాలోని 445 కొనుగోలు కేంద్రాల ద్వారా సేకరించి 247 రైస్ మిల్లర్లకు కేటాయింపు చేయటం జరిగిందన్నారు. ప్రతి కొనుగోలు కేంద్రం వద్ద టెస్ట్ చేసి వరి ధాన్యాన్ని రైస్మిల్లులకు పంపేవిధంగా ఒక ఏఈవోను నియమించామన్నారు. ఈ కార్యక్రమంలో అగ్రికల్చర్ జేడీ గోవింద్, డీసీఓ సింహాచలం, సివిల్ సప్లై అధికారులు, నిజామాబాద్ ఎమ్మార్వో ప్రవీణ్, సర్పంచ్, ఎంపీటీసీ, ప్యాక్స్ ఛైర్మన్, తదితరులు పాల్గొన్నారు.
ఇదీ చూడండి: తూకాలను జాప్యం చేయకూడదు: మంత్రి ఈటల
