నిర్మల్ జిల్లా బాసర మండల కేంద్రంలో పిచ్చి కుక్కలు స్వైర విహారం చేస్తున్నాయి. మండల కేంద్రంలోని కోతవల్ కాలనీకి చెందిన మాధియా బేగం అనే చిన్నారిని పిచ్చి కుక్క కరిచింది. తీవ్ర గాయాలతో ఉన్న చిన్నారిని కుటుంబ సభ్యులు స్థానిక ప్రభుత్వ ఆసుపత్రికి తరలించారు.
రెండు రోజుల క్రితం బాసరలో శ్రీ జ్ఞాన సరస్వతి అమ్మవారి దర్శనానికి వెళ్తున్న భక్తులపై గోదావరి ఘాట్ వద్ద పిచ్చి కుక్కలు దాడి చేశాయి. ఈ ఘటన మరువక ముందే గ్రామంలో చిన్నారిపై మరో కుక్క దాడి చేసింది. ఈ క్రమంలో గ్రామస్థులు, భక్తులు భయాందోళనకు గురవుతున్నారు. గ్రామ పంచాయతీ అధికారులకు ఎన్ని సార్లు ఫిర్యాదు చేసినప్పటికీ పట్టించుకోవట్లేదని స్థానికులు ఆవేదన వ్యక్తం చేశారు.
పిచ్చి కుక్క దాడిలో చిన్నారికి తీవ్ర గాయాలు
ఇవీ చూడండి : ప్రైవేటు బండి వస్తోంది... రెగ్యులర్ బండి పక్కకు జరపండి!
