బాలింతలకు పండ్లు, దుప్పట్ల పంపిణీ

సత్యసాయి జయంతి ఉత్సవాలను పురస్కరించుకుని నిర్మల్​ జిల్లా ప్రభుత్వ ప్రసూతి ఆస్పత్రిలో బాలింతలకు పండ్లు, దుప్పట్లను పంపిణీ చేశారు. సేవా భావంతో చేపడుతున్న కార్యక్రమాలు ఎంతో అభినందనీయమని వైద్యురాలు రజిని అన్నారు.

సత్యసాయి సేవాసమితి సేవా కార్యక్రమాల వల్ల పేదలకు ఎంతో మేలు జరుగుతుందని నిర్మల్​ జిల్లా ప్రభుత్వ ప్రసూతి వైద్యురాలు రజిని పేర్కొన్నారు. సత్యసాయి జయంతి సందర్భంగా సమితి నిర్వాహకులు ఆస్పత్రిలో బాలింతలకు పండ్లు, దుప్పట్లను పంపిణీ చేశారు.

ఈ సమితి ఆధ్వర్యంలో మూడేళ్లుగా ప్రభుత్వ ఆస్పత్రుల్లో ఉచిత భోజనాలు ఏర్పాటు చేస్తున్నారని వైద్యురాలు తెలిపారు. ప్రతి ఏటా గ్రామాల్లో పేదవారికి సమితి చేస్తున్న సేవలను ఆమె కొనియాడారు.

ఇదీ చూడండి:'ఒకప్పుడు కరెంట్​ ఉంటే వార్త... ఇప్పుడు పోతే వార్త'