తల్లిదండ్రులకు పాదపూజ-పిల్లలకు దీవెనలు

మాతృదేవో భవః... పితృదేవో భవః... ఆచార్య దేవో భవః... అన్నారు పెద్దలు. తల్లిదండ్రులు, గురువుల మీద గౌరవం ఉంటేనే సమాజం పట్ల బాధ్యత పెరుగుతుందని... చిన్నప్పటి నుంచే ఈ దృక్పథం అలవర్చాలని ఓ ప్రభుత్వ పాఠశాల ప్రధానోపాధ్యాయుడు సంకల్పించి... తల్లిదండ్రులకు విద్యార్థులతో పాదపూజ చేయించారు.

తల్లిదండ్రులు పిల్లల మధ్య అన్యోన్యత పెంచేందుకు... నిర్మల్ జిల్లా జాఫ్రాపూర్ ప్రభుత్వ ఉన్నత పాఠశాలలో మన ఊరు-మన బడి కార్యక్రమం నిర్వహించారు. ప్రధానోపాధ్యాయుని ఆలోచనతో అందరినీ ఒకే వేదికపైకి తీసుకొచ్చి... అమ్మానాన్నలకు పాదపూజ చేయించారు.

తల్లిదండ్రులు తమ పిల్లలకు దీవెనలు, పట్టువస్త్రాలు అందించారు. ఇలాంటి కార్యక్రమాలతో కన్నవారిపై గౌరవం పెరుగుతుందని ప్రధానోపాధ్యాయుడు పరమేశ్వర్ అన్నారు.

ఇలాంటి కార్యక్రమాలతో ప్రభుత్వ పాఠశాలలు, ఉపాధ్యాయులపై గౌరవం, నమ్మకం పెరుగుతాయని గ్రామస్థులు అంటున్నారు.

ఇవీ చూడండి:గోదావరిఖని మహిళల కోలాటం 'వండర్'