సీఎం కేసీఆర్ చిత్ర పటానికి క్షీరాభిషేకం..

నిర్మల్​ జిల్లా కేంద్రంలోని శివాజా చౌక్​లో ఓడ్​ కులస్థులు సీఎం కేసీఆర్​ చిత్రపటానికి పాలాభిషేకం నిర్వహించారు. 17 కులాల వారిని బీసీకులాల జాబితాలో చేర్చాడాన్ని స్వాగతిస్తూ హర్షం వ్యక్తం చేశారు.

బీసీ కులాల జాబితాలోకి 17 కులాల వారిని చేర్చడాన్ని హర్షిస్తూ నిర్మల్ జిల్లా కేంద్రంలోని శివాజీ చౌక్​లో ఓడ్ కులస్థులు సీఎం కేసీఆర్ చిత్రపటానికి పాలాభిషేకం నిర్వహించారు. అట్టడుగు జీవితాన్ని అనుభవిస్తున్న 17 కులాలను బీసీ జాబితాలో చేర్చడం చారిత్రాత్మక నిర్ణయమని మున్సిపల్​ ఛైర్మన్​ గండ్రత్​ ఈశ్వర్​ అన్నారు.

కొత్తగా బీసీల జాబితాలో చేర్చిన కుటుంబాలకు ప్రభుత్వ పరంగా సంక్షేమ ఫలాలు అందుతాయని తెలిపారు. ఈ కార్యక్రమంలో తెరాస పార్టీ పట్టణాధ్యక్షులు మారుగొండ రాము పాల్గొన్నారు.

ఇదీ చూడండి: పీవీ గ్లోబల్ ఇండియా రూపశిల్పి.. : కేసీఆర్‌