భక్తుల సందడి మధ్య వైభవంగా ముజ్గి మల్లన్న రథోత్సవం

నిర్మల్ జిల్లాలో ముజ్గి మల్లన్న ఆలయంలో రథోత్సవం ఘనంగా జరిగింది. నాలుగోరోజు వేడుకల్లో భక్తులు పెద్దసంఖ్యలో పాల్గొన్నారు. ఏటా మాఘ పౌర్ణమిని పురస్కరించుకొని రథోత్సవం నిర్వహించడం ఆనవాయితీగా వస్తోంది.

నిర్మల్ జిల్లాలోని ముజ్గి మల్లన్న ఆలయంలో రథోత్సవం ఆదివారం అత్యంత వైభవంగా జరిగింది. ఐదు రోజుల పాటు నిర్వహించే ఈ వేడుకల్లో భాగంగా నాల్గో రోజు రథోత్సవంలో భక్తులు పెద్ద సంఖ్యలో పాల్గొన్నారు. ఏటా మాఘ పౌర్ణమిని పురస్కరించుకొని రథోత్సవం నిర్వహించడం ఆనవాయితీగా వస్తోంది. జాతర పురస్కరించుకొని భక్తులు తులాభారంతో మొక్కులు చెల్లించుకున్నారు.

ఈ జాతరకు నిర్మల్ జిల్లా నుంచే కాకుండా ఆదిలాబాద్, నిజామాబాద్, కరీంనగర్, మహారాష్ట్ర నుంచి భక్తులు పెద్ద సంఖ్యలో తరలివచ్చారు. భక్తులు భారీగా రావడంతో తోపులాట చోటుచేసుకుంది. తోపులాటలో ఓ కానిస్టేబుల్​తో పాటు భక్తుడికి గాయాలయ్యాయి.

ఇదీ చదవండి: అష్టోత్తర శతఘటాభిషేకంతో ముగిసిన బ్రహ్మోత్సవాలు