Minister KTR Speech at Nirmal BRS Public Meeting : 'మేం అభివృద్ధి చేశామని నమ్మితేనే ఓట్లు వేయండి.. లేకుంటే లేదు..'

Minister KTR Speech at Nirmal BRS Public Meeting : తొమ్మిదిన్నరేళ్లలో ఏం చేశామో చెప్పగలిగే స్థితిలో ఉన్నామని.. అదే కాంగ్రెస్​ 65 ఏళ్ల పైబడి చరిత్రలో ఏం చేశారో చెప్పేస్థితిలో ఉందానని మంత్రి కేటీఆర్​ సూటిగా ప్రశ్నించారు. బీఆర్​ఎస్​ పార్టీ అభివృద్ధి చేసిందని నమ్మితేనే ఓట్లు వేయండని.. లేకుంటే లేదని కేటీఆర్ తేల్చి చెప్పారు. నిర్మల్​ జిల్లాలో పలు అభివృద్ధి పనులకు మంత్రి కేటీఆర్​ శంకుస్థాపనలు చేశారు. ఆ తర్వాత నిర్మల్​లోని ఎన్టీఆర్​ మినీ స్టేడియంలో జరిగిన బహిరంగ సభలో మంత్రి కేటీఆర్​ పాల్గొన్నారు.

Minister KTR Speech at Nirmal BRS Public Meeting : రాష్ట్రంలో బీఆర్​ఎస్​ అభివృద్ధి చేసిందని నమ్మితేనే ఓట్లు వేయండని.. లేకుంటే లేదని ఐటీ, పరిశ్రమల శాఖ మంత్రి కేటీఆర్(KTR)​ తేల్చి చెప్పారు. కాళేశ్వరం ప్రాజెక్టు(Kaleshwaram Project)లో భాగంగా రూ.714 కోట్ల వ్యయంతో దిలావర్​పూర్​లో లక్ష్మీనరసింహ ఎత్తిపోతల పథకాన్ని(Lakshmi Narasimha Lift Irrigation Project) కేటీఆర్​ ప్రారంభించారు. అనంతరం మాడేగాం పంపుహౌస్​ వద్ద మంత్రి ఇంద్రకరణ్​రెడ్డితో కలసి ఆయన ​ ప్రత్యేక పూజలు చేశారు. అలాగే నిర్మల్​ జిల్లాలో పలు అభివృద్ధి పనులకు మంత్రి కేటీఆర్​ శంకుస్థాపనలు చేశారు. ఆ తర్వాత నిర్మల్​లోని ఎన్టీఆర్​ మినీ స్టేడియంలో జరిగిన బహిరంగ సభలో మంత్రి కేటీఆర్​ పాల్గొని.. కాంగ్రెస్​పై విమర్శలు కురిపించారు.

తొమ్మిదిన్నరేళ్లలో ఏం చేశామో చెప్పగలిగే స్థితిలో ఉన్నామని.. అదే కాంగ్రెస్​ 65 ఏళ్ల పైబడి చరిత్రలో ఏం చేశారో చెప్పేస్థితిలో ఉందానని మంత్రి కేటీఆర్​ సూటిగా ప్రశ్నించారు. 70 ఏళ్ల వయస్సులోనూ ఇంద్రకరణ్​ రెడ్డి హుషారుగా పని చేస్తున్నారని కేటీఆర్​ కొనియాడారు. నాలుగు జిల్లాల కోసం ఇంద్రకరణ్​రెడ్డి కృషి చేస్తున్నారని అన్నారు. నిర్మల్​ జిల్లాలో 300 మందికి ఉపాధినిచ్చే పామాయిల్​ ఫ్యాక్టరీని ప్రారంభించుకున్నామని తెలిపారు. మన కలెక్టరేట్ల మాదిరిగా చాలా రాష్ట్రాల్లో సెక్రటేరియట్లు కూడా ఉండవన్నారు.

KTR Fires on Congress Party : జిల్లాకొక మెడికల్​ కాలేజీ వస్తుందని ఎప్పుడైనా అనుకున్నామా.. కానీ ఇప్పుడు సుమారు 23 మెడికల్​ కళాశాలలు వచ్చాయని హర్షించారు. ఎంత పెద్ద జబ్బు అయినా.. జిల్లా ఆస్పత్రుల్లోనే చికిత్సలు అందుతున్నాయని చెప్పారు. ఆరున్నర లక్షల మంది విద్యార్థులకు గురుకులాల్లో విద్య అందిస్తున్నామని స్పష్టం చేశారు. రూ.714 కోట్లతో దిలావర్​పూర్​లో లక్ష్మీనరసింహ ఎత్తిపోతల పథకం ప్రారంభంతో.. 50 వేల ఎకరాలకు నీరందుతుందని అన్నారు.

"మంచిగా ఒక 30 బస్సులు ఏర్పాటు చేస్తాను. మొత్తం నిర్మల్​ జిల్లాలో ఉన్న కాంగ్రెస్​ నాయకులు అందరూ.. 30 బస్సులు ఎక్కండి. కాంగ్రెస్, బీజేపీ వాళ్లు చేరే 15 బస్సులు ఎక్కండి. ఏ ఊరు పోతారో పోండ్రి. ఆదిలాబాద్​, నిర్మల్​ జిల్లాల్లో.. రాష్ట్రవ్యాప్తంగా ఏ ఊరు పోతారో పోండ్రి.. ఏ టైంకు పోతారో పోండ్రి. అందరూ లైన్​గా నిలబడి కరెంటు తీగలను పట్టుకొండి.. కరెంటు వస్తుందో రాదో మీకే తెలుస్తుంది. రాష్ట్రానికి కూడా దరిద్రం వదిలిపోతుంది." - కేటీఆర్​, మంత్రి

BRS Public Meeting in Nirmal : అంతకు ముందు హైదరాబాద్​ నుంచి ప్రత్యేక హెలికాప్టర్​లో దిలావార్​పూర్​ మండలం గుండంపల్లికి చేరుకున్న మంత్రి కేటీఆర్​కి.. ప్రజాప్రతినిధులు, అధికారులు ఘనస్వాగతం పలికారు. మొదట కాళేశ్వరం ప్రాజెక్టులో భాగంగా రూ.714 కోట్ల వ్యయంతో చేపట్టిన లక్ష్మీనరసింహస్వామి ఎత్తిపోతల పథకాన్ని లాంఛనంగా ప్రారంభించి.. అనంతరం రూ.24 కోట్లతో నిర్మల్​లో ఇంటింటికీ నల్లానీటి సరఫరాను ప్రారంభించారు. సోమ్​ మండలం పాతపోచంపాడ్​లో రూ.250 కోట్ల వ్యయంతో ఆయిల్​ ఫామ్​ ఫ్యాక్టరీ నిర్మాణానికి కేటీఆర్​ శంకుస్థాపన చేశారు. అక్కడి నుంచి బీఆర్​ఎస్​ బహిరంగ సభలో పాల్గొన్నారు.