నిర్మల్ జిల్లాలోని చెరువుల భూములకు సంబంధించిన సర్వేను నెలరోజుల్లో పూర్తి చేయాలని అధికారులను కలెక్టర్ ముషారఫ్ ఫారుఖీ ఆదేశించారు. రాష్ట్ర ఉన్నత న్యాయస్థానం ఆదేశాల ప్రకారం రెవెన్యూ, పురపాలక, నీటిపారుదల, సర్వే అధికారులతో సమావేశమయ్యారు.
చెరువుల భూములు ఆక్రమణకు గురికాకుండా తీసుకుంటున్న చర్యలపై డిసెంబర్ 4 న హైకోర్టుకు నివేదిక సమర్పించాలన్నారు. బుధవారం నుంచి సర్వేను ప్రారంభించి అధికారులంతా సమన్వయంతో పూర్తిస్థాయి నివేదికను సిద్ధం చేయాలన్నారు. ఈ సమావేశంలో పురపాలక ఛైర్మన్ గండ్రత్ ఈశ్వర్, రెవెన్యూ, నీటిపారుదల శాఖ, సర్వే అధికారులు పాల్గొన్నారు.
