నిర్మల్ జిల్లా సోన్ మండలంల కడ్తాల్ పంచాయతీ పరిధిలోని ప్రభుత్వ ఉన్నత పాఠశాల ఆవరణలో మంచినీటి ట్యాంకు నుంచి నీరు వృథాగా పోతుంది. నీరు సరఫరా చేసేందుకు ఏర్పాటు చేసిన పైప్‌లైన్కు లీకేజీ ఏర్పడటం వల్ల కొన్ని రోజుల నుంచి తాగునీరు నేలపాలవుతోంది. పాఠశాల ఆవరణ మొత్తం బురదమయంగా మారింది. ఫలితంగా విద్యార్థులకు సైతం ఇబ్బందులు ఏర్పడుతున్నాయి.
పగిలిన నీటి ట్యాంక్ పైప్లైన్.. వృథాగా పోతున్న నీరు
పక్షం రోజులు గడుస్తున్నా ప్రజాప్రతినిధులు, అధికారులు స్పందించకపోవడం వారి నిర్లక్ష్యానికి అద్దం పడుతోంది. తాగునీటికి ఇబ్బందులు ఏర్పడుతున్నాయని.. అధికారులు ఇప్పుడైనా స్పందించి తగిన చర్యలు చేపట్టాలని గ్రామస్థులు పేర్కొన్నారు.
