Crops Protect With Male And Female Dolls: అడవి జంతువుల బెడదతో రాష్ట్రంలో రైతులు ఇబ్బందులు పడుతున్నారు. కష్టించి పండించిన పంటను కాపాడుకునేందుకు అన్నదాతల అవస్థలు అన్నీఇన్నీ కావు. చేతికొచ్చిన పంట వన్యప్రాణుల పరం కాకుండా నిర్మల్ జిల్లా చోండి గ్రామానికి చెందిన ఓ రైతు వినూత్నంగా ఆలోచించారు. మనుషులను పోలి ఉన్న మగ, ఆడ బొమ్మలతో వాటి బారి నుంచి పంటకు రక్షణ కల్పించుకుంటున్నారు.
కుబీర్ మండలంలోని చోండి గ్రామానికి చెందిన రైతు లక్ష్మణ్ వినూత్న ఆలోచన చేశారు. తనకు ఉన్న 3 ఎకరాల్లో వ్యవసాయం చేస్తున్నారు. ఆ పంటకు అడవి జంతువుల బెడద ఎక్కువగా ఉండేది. దీంతో పంటను వాటి బారి నుంచి రక్షించుకోవడానికి విభిన్నంగా ఆలోచించారు. దీంతో మనుషుల రూపంలో ఉన్న ఒక ఆడ బొమ్మ, ఒక మగ బొమ్మను తయారు చేసి పంట చేనులో కాపలాగా ఉంచారు.
దీంతో పొలంలో మనుషులు ఉన్నారనే ఆలోచనతో అడవి జంతువులు అటువైపు రావడం లేదు. తద్వారా పంటను కాపాడుకుంటున్నానని రైతు లక్ష్మణ్ చెప్పారు. గతంలో పది సంవత్సరాల క్రితం ఈ విధంగానే చేసి పంటను రక్షించుకున్నానని లక్ష్మణ్ పేర్కొన్నారు.
ఇవీ చదవండి: మద్యం, కోళ్లను పంపిణీ చేసి తెరాస నేతకు.. ఈసీ షాక్
